Txankakua merkatari elkarteko kideek saltoki handi bihurtu dute goizean Maalako parkea, eta urtero legez, herritar ugari erakarri ditu Stock Feriak.
Guztira, 19 saltoki izan dira aurtengo Stock Ferian parte hartu dutenak, aurreko edizioan baino bi gutxiago. Eskaintza eta mauka bereziak jarri dituzte jendaurrean, 10:00etatik 14:30era bitartean. Une gorena, baina 14:00etan ailegatu da, 100 euroko sei erosketa txeke zozkatu dituzten unean. Urtero moduan, Maalako parkea jendez gainezka zegoela egin dute zozketa Txankakuako ordezkariek. Izan ere, sariak eskuratzeko ezinbestekoa da saritutako txartela zozketaren unean bertan agertzea.
Honako hauek izan dira sei irabazleak: Hananees Saoudy; Nora Mugerza, Maria Sol Perez, Lorea Goikoetxea, Lucia Larrañaga eta Lourdes Azkune.
