Elgoibarko ekoizleak sarituak Debako Soro Feria Eguneko gazta, ezti eta barazki lehiaketetan

Barren.eus 2019ko urt. 10a, 16:53

Soro Feria eguna ospatu zuten Deban urteko lehen zapatuan, urtarrilaren 5an. Debako Udalak fruta, barazki, ezti eta gazta lehiaketak antolatu zituen, eta saritutakoen artean dira Elgoibarko barazki, gazta eta ezti ekoizleak.

Deba Bailarako 17. Ezti Lehiaketan bigarren eta hirugarren postuak eskuratu zituzten Julian Villena eta Nagore Dorronsoro eztigileek. Zortziko eztia izenarekin komertzializatzen dute euren produktua. Asier Martin Bergararrak lortu zuen lehen saria. Deban lehen hiru postuetan sailkatu ziren eztigileek parte hartuko dute Gipuzkoako txapelketan, Zegaman egingo duten Erlezain Egunean.

• Txillarrek lehen postua barazkietan
Barazki Lehiaketan Txillarre baserriko Peio Rubiok eskuratu zuen lehen saria. Garaikurra eta 300 euro jaso zituen saritzat. Horrez gainera, Posturik Onenaren Saria ere irabazi zuen Txillarre baserriak.

• Mausitxako gazta hirugarren postuan
Feria berean gaztagileentzako ere egon zen saririk eta Mausitxa baserriko Jesus Ansolak 250 euroko hirugarren saria jaso zuen, iaz moduan. Arabako La Lezeko gaztak irabazi zuen Debako gazta txapelketa, eta Ordiziako Joseba Insaustik lortu zuen bigarrengoa.

2019ko urte berriko ferian saritutako guztiak

2019 01 05 txillarre elgoibar garaikurrak soro feria deba 2019 01 05 txillarre elgoibar soro feria deba 1

∞Lotura duten albisteak:

Ekonomia Elgoibar