Ekonomia

barren.eus-logoa

Tokikom

 

 
 

2018 12 18 gazta lehiaketa gabonzahar aurkezpena elgoibar udalaGabon Zahar feriako ekimenik esanguratsuenetarikoa den Urteko Gazta Txapelduna gazta lehiaketa aurkeztu dute gaur antolatzaileek, Elgoibarko Udaleko eta Kalamua elkarteko ordezkariek. 2018an txapelketaren bat irabazi duten hamar gaztagile ziren etortzekoak Elgoibarrera abenduaren 29an, baina batek huts egingo du.

Gabon Zahar Feria abenduaren 29an izango da aurten, eta feriaren barruan antolatzen dituzten lehiaketen artean, Urteko Gaztaren XII. Txapelketa. Elgoibarko Gabon Zaharretako Saria 2018 izango da esanguratsuenetarikoa, urteko gazta txapeldunen artean txapelduna aukeratzen duen gazta lehiaketa prestigiotsua. 

2018an antolatutako eta Jatorri Izendapeneko Kontseilu Erregulatzaileak araututako ardi-gazta lehiaketaren batean irabazi duten gaztagileek parte har dezakete Urteko Gazta Txapelduna lehiaketan. Aurten hamar gaztagilek irabazi dute txapelketaren bat, gutxienez, honako hauek:

  • La Leze (Ilarduia): Deba, Bergara, Intxaurrondo eta Agurainen eginiko txapelketak irabazi ditu.
  • Jose Luis Odriozola (Aia): Bilboko eta Elgoibarko txapelketetako irabazlea.
  • Ipiñaburu: Azpeitiako gazta-lehiaketako irabazlea.
  • Jesus Mari Ansola, Mausitxa (Elgoibar): Araia, Plentzia eta Euskal Herriko Gazta Txapelketetako irabazlea.
  • Kortaria (Lekaroz): Uharte-Arakil eta Ordiziako gazta lehiaketetako irabazlea.
  • Patxi Otaegi (Beizama): Legazpiko irabazlea.
  • Unai Lekuona (Araia): Amurrioko irabazlea
  • Joseba Baseta (Atxondo): Azpeko irabazlea.
  • Azkarra (Galarreta): Gernikako irabazlea.
  • Jose Ignacio Ugartemendia (Berategi): Eibarko irabazlea.

•Elgoibarren aurkezteko gaztarik gabe

Araiako gaztagile Unai Lekuonak ezin izango duela parte hartu jakinarazi die antolatzaileei, aurkezteko gaztarik ez daukala-eta. Urte sasoi honetan gazta gutxi gelditzen zaizkie gaztagileei eta alerik onenak gordetzen dituzte Elgoibarkoa moduko lehiaketetan aurkezteko. Lekuona, baina, aurreneko aldiz sailkatu da Urteko Gazta Txapelduna lehaketara, irailean Amurrioko gazta-lehiaketa irabazteagatik, eta ez du gaztarik gorde. Antolatzaileek gaineratu dutenez, Atxondoko Joseba Basetak ere antzerako zailtasunak ditu, baina aleren bat topatuko duela agindu die. Gaztagileek Elgoibarko udaletxea aurkeztu beharko dituzte gaztak abenduaren 29an, 11:30ak baino lehenago. 12:00etan hasiko da lehiaketa udaletxeko pleno aretoan eta epaimahaikideen lana bertatik bertara jarraitzeko aukera izango dute hala nahi dutenek. Irabazleak 1.500 euroko saria, txapela eta garaikurra jasoko ditu.

La Leze txapeldun azken bi urteetan

Iaz La Lezek (Ilarduia, Araba) aurkeztutako gaztak irabazi zuen Urteko Gazta Lehiaketa. Arabarrek bigarren urtez jarraian irabazi zuten txapeldunen artean txapelduna aukeratzen duen gazta lehiaketa. Aurten ere fanoritoen artean izango dira, beste behin ere, txapelketa gehien irabazi baitituzte bukatzear den urtean, lau guztira. Bestetik, gaztagile esanguratsuen falta igarriko dutela aurten azaldu du Kalamua elkarteko Agustin Irustak, Elgoibarren birritan irabazitakoa den Eulateko artzain Ricardo Remiro edo Aizpeako gaztak ez  baitira Elgoibarren lehiatuko aurten, ez baitute txapelketarik irabazi 2018an.

2018 12 18 2017 12 30 gabon zahar feria elgoibar la leze gazta tx

 

 

Elgoibarko Izarra

elgoibarkoizarra-logoa-irudia

Gida komertziala

Gida komertziala 2018

Bideoak

Barren astekaria

ePosta harpidetza