IMHko arduradunek eta Elgoibarko alkate Ane Beitiak udaletxean aurkeztu dute, gaur goizean, TKgune Fabrikazioa Gazteentzako Enpresa Industrialen Ideia Lehiaketaren bosgarren edizioa. Izaera industrialeko lehiaketa honekin ekintzailetza sustatzea nahi dutela azaldu dute antolatzaileek. "Ez da egitasmo erraza, izaera industrialeko ideiak izatea, eta batez ere garatzea, zaila dela badakigulako. Hala izanik ere, konfidantza dugu lehiaketa honek eman ditzakeen emaitzetan eta ekintzailetza bultzatzen duela uste dugu", azaldu dute antolatzaileek. TKgune Fabrikazioa Berrikuntza eta Teknologia Transferentziazko Sarea osatzen duten Lanbide Heziketako Ikastetxeek, tartean IMHk, antolatu dute lehiaketa, Elgoibarko Udala, Gipuzkoako Foru Aldundia, Eusko Jaurlaritza eta Debegesaren laguntzarekin; eta, Rural Kutxaren eta hainbat enpresen (DanobatGroup, Alcorta, Schaeffler, e.a) babesarekin.
• Ideiak aurkezteko epea
Maiatzaren 15ean bukatuko da proposamenak aurkezteko epea. Aurreko edizioetan moduan, 35 urtera arteko gazteek parte hartu ahal izango dute lehiaketan. Aurtengoan ere, bi sari aurreikusi dira lehiaketan:
- Enpresa Industrial Onenaren sarituak 2.500 euro jasoko ditu eskudirutan, 40 prestakuntza ordu sustatzailearen beharren arabera, 100 aholkularitza ordu enpresa proiektua garatzeko eta 300 ordu beharrezkoak diren baliabide industrialak erabiltzeko (makinak, ...).
- Bigarren saria, Euskadiko Lanbide Heziketako ikasle edo ikasle ohiak aurkeztutako enpresa industrial ideia onenari emango zaionak, 2.000 euro jasoko ditu eskudirutan, 40 prestakuntza ordu sustatzailearen beharren arabera, 50 aholkularitza ordu enpresa proiektua garatzeko eta 100 ordu beharrezkoak diren baliabide industrialak erabiltzeko.
Lehiaketaren oinarriak eta informazio osoagoa: www.imh.eus
Iazko edizioan Iñaki Jimenezen mataderak egiteko sistema saritu zuten.
∞ Lotura duten albisteak:
- Iñaki Jimenezen mataderak egiteko sistema saritu dute enpresa industrialen ideia lehiaketan, bere izaera eraginkorragatik (2017-10-23)
- Hondakinak kudeatzeko sistema inteligentea saritu dute enpresa industrialen hirugarren ideia lehiaketan (2016-12-09)
-
Bizikleten platerak hobetzeko proiektua saritu dute enpresa industrialen ideia lehiaketan (2015-11-18)
-
Asier Lizarralde elgoibartarrak irabazi du gazteentzako Asmaola+enpresa industrialen ideia lehiaketa (2014-11-07)
-
Abian da Gazteentzako Asmaola+ Enpresa Industrialen Ideia Lehiaketaren estreinako edizioa (2014-05-06)
- Elgoibarko Udalak errekonozimendua egin die makina-erremintaren sektoreko eragileei (2014-04-30)
- Urte osoko egitaraua Elgoibarko makina-erremintaren mendeurrena ospatzeko (2014-04-15)