Ekonomia

barren.eus-logoa

Tokikom

 

 
 

san roke bakailao pintxo irabazlea‘Alcorta bakailaoak’ I. Pintxo Lehiaketan Elgoibarko kanporaketa irabazi zuen pintxoa, Primus izenekoa, salgai jarriko du San Roke kafetegiak zapatuan eta domekan.

Elgoibarko Bacalaos Alkorta enpresak sustatu duen ‘Alkorta bakailaoak’ I. Pintxo Lehiaketako finalera ailegatu zen San Roke kafetegia Primus izeneko pintxoarekin, Elgoibarko kanporaketa irabazi eta gero. Eskaera asko izan dituela-eta, asteburu honetan salgai jarriko duela azaldu du Nekane Aranzabal sukaldariak. Zapatuan eta domekan, 12:00etatik 15:00etara bitartean jan ahal izango da, 3,5 euroan salduko duten pintxoa.
Getariako Ameztoi txakolindegiaren Primus txakolinarekin eginiko saltsa daramalako jarri dio Primus izena pintxoari. Lan asko ematen duen pintxoa dela aitortu du Aranzabalek, besteak beste, osagai asko dituelako. Nagusiena pil pil erara eginiko bakailaua da. Onddoekin eginiko saltsa, kalabaza, ogi-torrada, eta urdaiazpikoa ere badaramatza, perrexila eta oliba olioaz gainera. Aranzabal 25 urtean aritu zen lanean Getarian, Astillero eta Kaia Kaipe jatetxeetan, eta handik ezagutzen ditu Getariako txakolinak, bakailao pintxoa egiteko ideia eman zion Primus-a tartean.
Pintxo lehiaketetan sari bat baino gehiago irabazi ditu San Rokek azken boladan. Azken bi edizioetan, 2016koan eta 207koan, Herritarren Saria eskuratu du Elgoibarko Pintxo Lehiaketan.

san roke bakailao pintxo irabazlea 1

san roke bakailao pintxo irabazlea zoom

Gida komertziala

Gida komertziala 2017

 

GUREAN.EUS

Elgoibarko Izarra

elgoibarkoizarra-logoa-irudia

Bideoak

Barren astekaria

ePosta harpidetza