Eguerdian hasiko dugu jaia apirilaren 25ean, Joste Egunean. Trikititarrak taldekoen eta herriko abesbatzako neskekin kantu-kalejira egingo dugu eta 14:30ean elkarrekin bazkaltzeko batuko gara. Bazkal ondorenean, Ana Alberdiren taldeko dantzari gazteek Gure Esku Dago dantza eta beste hainbat dantzatuko dituzte, ondoren etorriko den erromeriaren atariko gisa. Herri bazkaria Luzaide jatetxeak zerbitzatuko du, tabernako ontziterian. Menua honako hau izango da: paella, gisatua eta ijito-besoa bizkotxoa.
Herriko hainbat koadrila oihalak pertsonalizatzeko gelditu dira zapaturako. 11:00etan San Jose plazan batuko dira, nor bere oihala hartuta. Oihal horiek guztiak apirilaren 25eko Joste Egunean josiko ditugu. Gogoratu egun horretarako herri bazkaria antolatu dugula eta txartelak salgai daudela Txirristakan, Coviranen eta Morroskillon, 13 eurotan.