Urtero bezala, 2015ean ere XXXV. Eskolarteko Bertsolari Txapelketa antolatuko da. Idatzizko saioa eta saio didaktikoak Ikastolen Elkarteak antolatzen ditu, eta bat-bateko txapelketa, berriz, Ikastolen Elkarteak Gipuzkoako Bertsozale Elkartearekin batera antolatzen ditu.
Martxoaren 18an Elgoibar Ikastolan idatzizko saioa eta saio didaktikoak gauzatuko dira. Lehen Hezkuntzako 3,4,5
eta 6. mailako ikasleek, gaia emanda, bertso bat edo bi kopla idatzi beharko dituzte; Derrigorrezko Bigarren Hezkuntzako 1. eta 2. mailako ikasleek, berriz, gaia emanda bi bertso edo sei kopla eta, bukatzeko, DBH 3. eta 4. mailako eta Batxilergoko ikasleek gaia emanda hiru bertso edo sei kopla idatzi beharko dituzte.