Elgoibar Ikastolak, urtero bezala, JUUL KANPAINA antolatu berri du. Kanpaina hau Euskal Herriko ikastoletan egin ohi diren kidetze-egitasmoen barruan kokatzen da. Helburua zera da: gaztetxoen artean irakurzaletasuna sustatzea, eta, era berean, hauteskunde-prozesuari buruzko ezagutzak bideratzea. Ekimen hau ikasturtean zehar burutzen da, LH1. mailatik DBH 4ra. Ikasle nagusienak aritzen dira hauteskunde-mahaietako arduradun.. Egitasmoa burutu ahal izateko, ikasleek gogoko dituzten liburuak hautatzen dituzte, eta, horretaz gain, liburu horiek irudiz jantzi ohi dituzten ilustratzaileak ere hautagai izaten dira.
Goizeko 09:30ean hasi dira gaztetxoenak botua ematen. Hala, eguerdiko 12:00etarako, emana zuen azken ikasleak bere bozka. Honakoak izan dira Elgoibar Ikastolan irabazleak:
B kategorian (LH 1eta 2): Peru Magdalenaren Txomintxo eta Perutxo bakarrik geratu dira etxean
C kategorian (LH 3 eta 4): Toti Martinez de Lezearen Nur eta oihan misteriotsua
D kategorian (LH 5 eta 6): Geronimo Stilton-en Ez zenituen oporrak nahi Stilton?
E kategorian (DBH): Jasone Osororen Jara
Ilustratzailea: Iban Barrenetxea.
Argazkiak ikusteko:
http://www.elgoibarikastola.eus/eu/node/1056