• SINOPSIA
Ospea eta gizarte-prestigioa lortu nahian, enpresaburu aberats batek arrastoa utziko duen film bat egitea erabaki du. Horretarako, izar onenez osatutako talde bat kontratatuko du: Lola Cuevas (Penelope Cruz) zinemagile ospetsu-ospetsua eta talentudun bi artista: Felix Rivero Hollywoodeko aktorea (Antonio Banderas) eta Ivan Torres antzerki-aktore erradikala (Oscar Martinez). Bi aktoreak mitoak dira, baina ez dira inola ere munduko adiskiderik onenak eta ego handia dute biek. Lolak gero eta proba bitxiagoak jarriko dizkie.
• FILMAREN ZUZENDARIAK
Gaston Duprat eta Mariano Chon zuzendari argentinarrak ez dira berriak Zinemaldian. El artista (2008), El hombre de al lado (2009), El ciudadano ilustre (2016) eta Todo sobre el asado (Culinary Zinema, 2016) lanen arduradunek, zinemaren munduan girotutako tragikomedia hau ekarriko dute Perlak saileko lehiaketara.
Perlak sailak estatu espainiarrean erakutsi gabeko urteko luzemetraia nabarmenen aukeraketak osatzen du, izan ere, film horiek kritikarien txaloak eta sariak jaso dituzte nazioarteko beste jaialdi batzuetan. Lan horiek Donostia Hiria Publikoaren Sarietarako hautagai izango dira eta Espainiako banatzaileei emango zaizkie ohiko zinemetara bideratu ditzaten.
Filmaren trailerra: