Mañuska Berri ondoko zelairako proiektatzen duten kirol guneak futbol zelaia, harmaila estaliak, aparkalekua, jokalari zein epaileentzako aldagelak, gimnasioa eta bere aldagela propioa, erabilera askotariko bi gela, taberna, instalazio-gela eta biltegia izango lituzke barne bilduta. Udaletik nabarmendu dute Kirol Azpiegituren Planean oinarrituta agindu dutela azterketa egitea, Udalak zabaldutako inkestan herritarrek lehenetsi zituzten proiektuak kontuan hartuta. I-ingenia, ingeniería y arquitectura SA enpresa arduratuko da azterketa egiteaz, 6.875 euroko aurrekontua (BEZ gabe) izango du horretarako eta aurtengo urtea amaitu aurretik bukatuta izatea dago aurreikusita. Hirigintza-baldintzek, araudiak, ekonomiak, orografiak eta ustiapen kontuak aintzat hartuta bideragarria den aztertu beharko du enpresa horrek, eta Udaletik zehaztu dute arreta berezia jarriko zaiola ezarpen-kotari, lurzati horrek desnibel handia duelako.
Mañuska berri ondoan beste kirol-gune bat egitea bideragarria den aztertzen hasi da Mendaroko Udala
I-ingenia, ingeniería y arquitectura SA enpresa arduratuko da Mañuska berri ondoan beste kirol-gune bat egitea bideragarria den argitzeko azterketa egiteaz.