Orain arte sortu duen magia "ikusgarriena eta interesgarriena" ordu eta laurdeneko saio batean batu duela dio Nialak, "Mundu ezberdin bat" ikuskizunean. "12 urte nintuenetik nire amets handiena nire magia saioak antzokietan egitea izan da eta badirudi amets hori betetzear dagoela", azaldu du otsailaren 4an Elgoibarko Herriko Antzokian emango duen saioaz. 19:00etan hasiko da emanaldia. "Nirekin batera amestu eta ondo pasa nahi izan ezkero, nire magiataz disfrutatu, Niala ezagutu edo kulturari bultzada bat eman nahi izan ezkero, animatu etortzera!", esan du.
Ikuskizunerako sarreren salmenta dagoeneko martxan dago herrikoantzokia.eus webgunean, eta leihatilan ere erosteko aukera dago. Egunean bertan ere salgai jarriko dituzte, geratzen badira. 5 euroko kostua du bakoitzak (3 euro Gazte- txartela aurkeztuz gero).
