Elgoibarko Haritz Euskal Dantzari Taldeak, Sri Lankako Sama Ballet taldeak eta Tahitiko Hei Show Tamurek Maalako eszenatokian eman zuten saioetako laburpen-bideoak dituzue honakoak. Maalako parkea jendez gainezka egon zen joan den uztailaren 19an egin zuten Elgoibarko Nazioarteko Folklore Jaiadaren 33. ekitaldian.
Ezbehar txiki bat ere gertatu zen Haritz dantzari taldekoek eman zuten saioko lehen zatian, eszenatokitik behera erori baitzen Zaldikoarena egiten ari zen dantzaria (goiko bideoan 1.35 minututik aurrera), Igartzako ezpata-dantza irakatsi eta dantzatzera Elgoibarrera etorri ziren lau dantzarietako bat, hain justu ere. Erorikoaren ondorioz, haustura txiki bat egin zuen oineko behatz txikiaren oinarrian.
Amaieran, Olaziaga kiroldegiko tabernako arduradu Juan Luis Urkia eta Inma Arrizabalaga igo arazi zituzten oholtza gainera oroigarri bat eman eta eskerrak emateko. Izan ere, hainbat urtean Olaizaga kiroldegian egin zen folklore jaialdia eta ekitaldi haietan eman zieten laguntzagatik eta saioen aurretik eta ostean emandako jatorduegatik egin zieten aitortza. Era berean, Arantxa Aginakori Banango Zaharra dantzatu zioten taldekideek, "dantza taldean urte askoan lan asko egin duelako eta gaur egun ere egiten duelako atera genuen dantzara, merezi zuen ateratzea".
