Kasketa, haserre eta gainerako egonezinak sortzen direnean, gauzak konpontzeko ez dagoela borobilean eseri edo borobilean dantzatu bezalakorik aldarrikatzen du Pirritx, Porrotx eta Marimototsen azken ikuskizunak, Borobilean izenekoak. Mezu hori umore, musika eta dantzen bidez zabaldu zieten Elgoibarko umeei.
Uxue Alberdi idazle elgoibartarra ere lagun izan dute pailazoek azken proiektu honetan, Borobilean ipuin bildumaren eta Plaza ipuinaren egilea baita.
