Jose Julian Marquezek aurre-historiako tresnen erreplikak egiten ditu eskuz. Azken urteotan hainbat erakusketa egin ditu, eta umeentzako tailerrak ere antolatu izan ditu, garai hartako ohiturak eta ehiza moduak azaltzeko. Orain pauso bat harago joan da, eta museo bat ireki du azken urteotan egin dituen tresna eta erreminta guztiak erakusteko. Pedro Mugurutzako Artetxeko eskolaurreko lokalean dago museoa, Mufomi fosil eta mineralen museoaren lokalean. Elgoibarko Mufomi museoak Euskadiko fosil eta mineralen bildumarik handiena du. Datorren zapatuan (abenduak 16), bi museo hauek bisitatzeko ate irekien jardunaldia antolatu dute Morkaiko eta Leizarpe espeleologia taldeen eskutik. 11:00etan jarri dute hitzordua, Artetxeko eskolaurreko lokalean.
∞Lotura duten albisteak:
- Historiaurreko erremintak egiten ikasteko umeentzako tailerra emango du Jose Julian Marquezek (2016-10-13)
- Elgoibarren aurkitutako Brontze Aroko aizkora gipuzkoarren esku laga du Jose Julian Marquezek (2015-11-26)
- Historiaurreko erremintei buruzko erakusketa zabalduko du Jose Julian Marquezek (2015-04-17)
- Historiaurreko tresnen erreplikak jarriko ditu ikusgai Jose Julian Marquezek Kultur Etxean (2014-02-07)
