Leire Rodriguez De Gabrielek aurkeztutako “Elgoibarko Jaiak 2016” izeneko lanari eman dio lehen saria (700 euro) epaimahaiak, eta honenbestez, bere lanak iragarriko ditu 2016ko San Bartolome jaiak. Aurten etxean gelditu da lehen saria, Juan Diego Ingelmo valentziarraren Splash izeneko kartelak irabazi baitzuen iaz lehen saria. Leire Rodriguezek 18 urte ditu eta legiaketara aurkeztu den estraineko aldia izan dela azaldu du, orain arte ez baitzuen parte hartu ahal izateko gutxieneko adinik. Hortaz, aurkeztu den aurreneko aldian lortu du lehen saria. Batxilergo ikasketak amaitu berri ditu eta datorren urtean Arkitektura ikasketak hasiko ditu Donostian. Inspirazio une batean, “egun batetik bestera” osatu zuela kartel irabazlea azaldu du. Errosario kaleko jai giroa irudikatu du kartel irabazlean. Beste lehiaketa bat ere irabazi du aurten, Elgoibarko Institutuko gurasoen elkarteak antolatutako logotipo lehiaketa, hain zuzen ere.
Guztira zazpi kartel aurkeztu dira aurtengo lehiaketara.
Umeen kartel lehiaketan, aldiz, 11 kartel aurkeztu dituzte lehiaketara, eta ondorengo hauek saritu dituzte:
-Aritz Vallejo Caballero (11 urte)
-Eneko Etxaniz Irureta (10 urte)
-Nahia Baskaran Beristain (7 urte)
-Elaia Etxaniz Irureta (7 urte)
-Oihan Goñi Orozko (7 urte)
-Libe Soto Orozko (4 urte)
Abuztuaren 22an egingo dute sari banaketa ekitaldia, Kultur Etxeko erakusketa gelan (19:30).
∞Lotura duten albisteak:
-
Juan Diego Ingelmo valentziarraren lan batek iragarriko ditu aurtengo San Bartolome jaiak (2015-07-16)
- Nerea Oteizak irabazi du sanbartolomeetako kartel lehiaketa (2014-07-10)
- Aitziber Dominguezen kartel batek iragarriko ditu San Bartolome jaiak, hirugarren urtez jarrian (2013-07-15)
- Aitziber Dominguezek irabazi du jaietako kartel lehiaketa, bigarren urtez jarraian (2012-07-12)
- Aitziber Dominguezek irabazi du jaietako kartel lehiaketa (2011-07-15)
- Kartel lehiaketa irabaziz ametsa egia bihurtu du Jose Manuel Esnalek (2009-07-22)
- Hirugarren urtez jarraian Mikel Cornejoren kartela irabazle (2008-07-15)
- Mikel Cornejoren azalak iragarriko ditu 2007ko San Bartolome festak (2007-07-13)