Euskal Telebistaren reality izarra den ‘El Conquis’ saiotik jakinarazi dutenez, finalean egoteko gosea guztiaren gainetik egon da "El Conquistador del Caribe"ren 21. ataleko dueluan. "Mahai gainean kolpe ederra eman du Duranak, ustez "indartsuenetako" bi lehiakide kanporatuta: Ion eta Jurdan", azaldu dute hiru lehiakideek jokatutako dueluaz. Hortaz, finalera ailegatzeko gutxi falta zela kanporatu dute Jurdan Ezenarro.
"Iritsi da Conquiseko nire abenturaren bukaera. Gehiago jarraitu izana nahiko nuke baina ez da posible izan. Eskerrik asko babesa eman didazuen guztioi. Nik estimutan ditudanak edo neu estimatzen nauzuenok zarete benetan balio duzuenak. Gainontzekoen goraipamen edo kritikak bigarren mailan gelditzen dira", idatzi du Ezenarrok sare sozialetan. Une bakoitzean dena eman izanaz, umiltasunez eta taldekide nahiz arerioekiko errespetuagatik nabarmendu izana espero dutela gaineratu du.
Azken saioan kanporatu dituzten bi lehiakideen momenturik onenekin eta txarrenekin osatutako bideo bat ere zabaldu du saioak.
Edizio honetan Elgoibarko parte hartzaile bat ere izan da, Gorka Luna Azpiazu, hain zuzen ere. Lehen kanporatua izan zen.
• Lotura duten albisteak:
- Elgoibarko eta Mendaroko partaide bana ‘El Conquis’ telebista saioan (2020-01-14)
- Andoni Zuluaga mendaroarra da 'El Conquistador del Fin del Mundo' saioko partaideetako bat (2019-01-08)
