"Iazkoa horren ondo irten zen, eta gu guztiontzat egun gogoangarria izan zela ikusita, urteroko ohitura bihurtu nahiko genuke erronka hau", azaldu du Iker Odriak. Berak irabazi zuen iaz erronka, baina aurten ezin izango du parte hartu. Uztailaren 2an, zapatua, egingo dute eta bi beharrean, hiru izango dira aurtengo lehiakideak: Antxon De La Arada, Ioritz Leiaristi eta Ivan Rogel. "Hasiera batean taldeka egitea ere pentsatu eta aztertu genuen, baina bakarka egingo dugu azkenean", azaldu du.
Iazko proba bera jokatuko dute: Mutrikuko portua, Elgoibarko plaza eta Karakate lotuko dituzte triatloian: igerian, bizikletan eta saltaka. Egun osorako egitaraua prestatzen ari direla azaldu dute. Eta iaz moduan, porra egin eta errifak saltzeko asmoa ere badute.
∞Lotura duten albisteak: