Elgoibarko Lagun Taldea txirrindulari eskolatik jakinarazi dutenez, urriaren 12an izango da Julian San Juanen Oroimenezko txirrindulari lasterketaren 29. ekitaldia. Proba honetan 15 urtetik gorakoek parte hartu dezakete, gizon zein emakume. Proban lehiatu nahi dutenek, egunean bertan eman dezakete izena, 10:30etik 11:30era, Kalegoen plazan. Federatuta daudenek bost euro ordaindu beharko dituzte eta 15 euro federatu gabe daudenek.
Txirrindulariak Kalegoen Plazatik irtengo dira 12:00etan. Orain arte jokatu den azken igoeran, 2019koan, Jon Astigarraga izan zen azkarrena. Lasterketa hiru alditan irabazi duen Iker Eskibel eskoriatzarrak du probaren errekorra: 13 minutu eta 17 segundo (2017an ezarri zuen).
• Arropa eskaera
Lagun Taldeako arduradunek jakitera eman dutenez, denboraldia amaitu ez den arren, hurrengoari begira lanean hasita daude, eta eskolako txirrindulariek erabiliko duten arroparen diseinu berriak aurkeztu dituzte (ikus hemen). Gainera, arropa eskaera egiteko aukera herritar guztieingana zabaldu dutela azaldu dute. "Arropak gogoko badituzue gurekin kontaktuan jar zaitezkete eskaerak egiteko. Tallak eskatzeko lagungarria izan daiteke Etxeondo etxeko arropak direla jakitea", azaldu du Alex Aranberrik. Eskaerak egiteko idatzi mezua honako helbidera: elt_txe@hotmail.com
•Idotorbeko Igoera; azken urteetako irabazleak:
- 2019 Jon Astigarraga
- 2018 Iker Eskibel eta Amaia Urkidi
- 2017 Iker Eskibel
- 2016 Iker Eskibel eta Maite Maiora
- 2015 Ramon Garcia
- 2014 Josu Uriarte
- 2013 Jorge Gonzalez
- 2012 Mikel Hernandez eta Ainhoa Lendinez
- 2011 Iñigo Lazkano eta Ainhoa Lendinez
- 2010 Iñigo Lazkano eta Ainhoa Lendinez
- 2009 Josu Uriarte
- 2008 Josu Uriarte eta Ainhoa Lendinez
- 2007 Vicente Gonzalez
- 2006 Jorge Gonzalez
- 2005 Iñigo Lariz eta Ane Mendia
- 2004 Ramon Garcia eta Gotzone Aierdi
- 2003 Iñigo Lariz
- 2002 Iñigo Lariz
- 2001 Iñigo Lariz
- 2000 Iñigo Lariz
- 1999 Jose Mari Fernandez eta Ismene Fulgencio
- 1998 Ramon Garcia
- 1996 Jose Mari Fernandez
- 1995 Aitor Etxaniz eta Inma Ruiz
