Espainiako Atletismo Federazioak (RFEA) kros lasterketen urteko sailkapena argitaratu du. Guztira 25 kros ageri dira sailkapen horretan eta Mugertza krosa da puntu gehien pilatu dituen hirugarrena, 2.777,50 punturekin. Elgoibarko krosak iaz eskuratu zuen postuari eutsi dio, 300 puntu gutxiago jaso dituen arren. Burgosen jokatzen den Atapuercako krosa dago lehen postuan, gainerakoekiko alde nabarmenarekin, 5046,51 puntu baititu. Sevillan jokatzen den Italicako krosa dago bigarren postuan, 3.734,46 punturekin. Oro har, aldaketa gutxi egon da iazko sailkapenetik ona. Aipagarriena Zornotzako krosak bederatzigarren postutik zazpigarrengora pasa dela da.
Elgoibarko krosaren antolatzaileek adierazi dute "oso pozik" daudela, egiten duten lan gogorrarentzako sari moduan ikusten baitituzte emaitzok. Gainera, Mintxeta taldeko arduradunek nabarmendu dute potentzial eta aurrekontu handiagoko bi hiritako krosak bakarrik daudela Elgoibarkoaren gainetik sailkapenean. "Gainera, azken hiru urteetako batazbestekoetan oinarritzen den sailkapen nagusian hirugarren postua berreskuratu du gure krosak, Alcobendasekoari aurrea hartuz.
• World Athletics kategoriari eutsi dio
Mugertza krosaren hurrengo ekitaldia 2021eko urtarrilaren 24an izango da, eta World Athletics kategoriakoa izango da berriro ere. "Eskerrak eman nahi dizkiegu erakundeei, babesleei, laguntzaileei, prentsari eta, batez ere, Elgoibarko herriari", esan dute kroseko antolatzaileek.
∞Lotura duten albisteak:
- Obiri eta Worku izan dira azkarrenak 77. Mugertza krosean (2020-01-12)
- Inazio Izagirre eta Juan Mugertza atletak gogora ekarri dituzte, Anberesko Olinpiar Jokoetan parte hartu eta 100 urtera (2020-01-10)
- Hellen Obiri izango da izar nagusia Mugertza krosaren 77. ekitaldian (2020-01-08)
- Mugertza krosa atletismo ondarea errekonozimenduarekin sarituko du IAAFek (2019-11-04)
-
Mugertza krosa hirugarren postuan da Espainiako krosen sailkapenean (2019-05-15)
- Zigor Diez: "Mugertza krosari prestigioa eta izen ona ematen dio Munduko Kros Txapeldunak Elgoibarren irabazitakoak izateak" (2019-04-02)
- Hellen Obiri eta Rhonex Kipruto nagusitasunez gailendu dira 76. Mugertza Krosean (2019-01-13)