C.D. Elgoibarko gaur egungo zuzendaritza batzordeak 2016ko ekainean hasi zuen agintaldia, 2017ko udara arte Anton Iranzo buru zela; eta, 2017tik hona Jon Basurto izan da futbol taldeko presidentea. Hamabost bat laguneko lantaldea ibili da klubari tiraka, eta denboraldi hau amaitzean badoazela jakinarazi dute. Ardura hartu zutenean zituzten helburuak gogora ekarri dituzte orain, lau urteko lanaren errepasoa eginez. Besteak beste, honako helburuak eta erronkak zerrendatu dituzte: lehen taldea jokalari elgoibartarrez osatzea, emakumezkoen futbola berreskuratu eta bistaratzea, futbol eskola indartzea, inguruko taldeetan zeuden jokalari elgoibartarrak herrira ekartzea, kirol-taldea ekonomikoki bideragarria izatea, bazkide berriak lortzea, kluba herrira eta herritarrei gerturatzea, eta futbolean euskararen erabilera bultzatzea eta sustatzea. "Horiek eta beste asko izan dira azken lau urteetan eduki ditugun buruhausteak. Gauza asko egin ditugu, badakigu beste batzuk ez ditugula egin eta baita zenbait helburu bete ez ditugula ere", adierazi dute. Edonola ere, nabarmendu dute ilusioa izan dela uneoro zuzendaritza taldearen iparrorratza, "eta egin dugun lan guztia intentzio onenarekin egin dugu, beti CD Elgoibarren interesen alde". C.D. Elgoibarren mendeurreneko ospakizuna kudeatzea ere tokatu zaie, Mendeurren Batzordearekin elkarlanean.
•Erreleboa emateko prestutasuna
Joan zen urteko denboraldi amaieran eginiko batzar orokorean bazkideei jakinarazi zieten moduan, agur esateko unea ailegatu zaiela diote, eta klubean beste lantalde baten ideiak eta ilusioak ezartzeko une egokia dela uste dute.
Egungo zuzendaritza batzordeak prestutasun guztia azaldu nahi du datozenekin, eta hurrengo denboraldirako planifikazio eta prestakuntza lanak errazte aldera, jakinarazi dute Mintxetako bulegoko ateak zabalik dituztela edozein duda argitzeko. Hortaz, kluba zuzentzeko lantalderen bat prest balego, eurekin harremanetan jartzeko eskatu diete, aurrerapausoak ematen hasteko.
"Plazer handi bat izan da C:D. Elgoibarreko parte izatea, eta eskerrak ematen dizkizuegu bide honetan lagundu gaituzuen guztioi. Bihotzez mila esker", esan dute agurtzeko.
∞ Lotura duten albisteak:
- Haundi hasi da denboraldi berrirako prestatzen (2019-06-14)
-
Pablo Turrillas da Haundiko entrenatzaile berria (2019-05-28)
- Haundik mailari eusteko partida garrantzitsua irabazi zion Deusto taldeari (2019-05-08)
- Aurkeztu dute C.D. Elgoibarren mendeurreneko liburua (2018-12-12)
- Omar Aizpuru: "Bizpahiru urtean oso talde polita izan dezake Haundik" (2018-09-14)
- Haundi mailaz igo da Durangoko Kulturalak Bigarren B Mailara igotzea lortu eta gero (2018-06-24)
- C.D. Elgoibarrek mugikorrerako aplikazioa aurkeztuko du urteko batzar nagusian (2018-06-14)
- Gipuzkoako Futbol Federazioa sortu zuten lau taldeak omendu dituzte, tartean C.D. Elgoibar (2018-04-26)
- Euskaraz berba egitea debekatu zien arbitroak jokalariei Idiazabal-Elgoibar partidan (2018-02-18)
- Nesken artean futbola sustatzeko entrenamenduak eskaini dituzte Mintxetan C.D. Elgoibarrek eta Realak (2017-09-05)
- C.D. Elgoibarkoek hasi dituzte ofizialki San Bartolome jaiak (2017-08-23)
- C.D. Elgoibarren mendeurrenaren harira sortutako martxa joko dute nagusien danborradan (2017-06-07)
- C.D. Elgoibarrek Udalaren errekonozimendua jaso du (2017-05-20)
- Futbol partidak kalean, omenaldia eta berbena, C.D. Elgoibarren mendeurrenaren harira (2017-05-19)
- Futbolean eta atletismoan nabarmendu diren C.D. Elgoibarreko kideak omendu dituzte (2017-05-06)
- C.D. Elgoibarren ehun urteko historia, argazkitan izoztua (2017-05-04)
- Eibar taldeak C.D. Elgoibar omendu du, 100. urteurrenaren harira (2017-05-02)
- Lehen Mailan jokatu duten futbolariak omenduko ditu C.D. Elgoibarrek maiatzaren 6an (2017-04-12)
- C.D. Elgoibarren mendeurrena abian da (2017-01-10)
- C.D. Elgoibarren mendeurrena zigiluetan ere bai (2017-01-23)
- Estreinatu dute C.D. Elgoibarren Mendeurreneko Martxa (2017-02-13)
-
Anton Iranzok gidatuko du CD Elgoibar kirol taldearen mendeurrenean (2016-06-25)