Aurkezpen ekitaldian Ane Beitia Elgoibarko alkatea, Jon Basurto C.D. Elgoibarreko presidentea eta Joseba Etxeberria futbolari ohia izango dira, besteak beste, eta Garazi Ayestak gidatuko du saioa. Musika eskolako auditoriumean izango da, 20:00etan hasita.
Mendeurreneko antolakuntza taldeko kideek Koldo Lizarralderi eskatu zioten klubaren historiari buruzko liburua idazteko, eta zailtasunak zailtasun, kaleratzear da lana. Lizarraldek BARREN aldizkariari eskaini dion elkarrizketan nabarmendu du Elgoibarko kirolaren oinarria izan dela Club Deportivo. "C.D. Elgoibar izan da Elgoibarko kirol guztien oinarria, hau da, kirol espezialitate guztiak C.D. Elgoibarretik sortu dira: pilota, txirrindularitza, eskubaloia, mendizaletasuna... Morkaikoren aurrekari izan zen Eup mendi taldea bera C.D. Elgoibartik sortu zen".
C.D. Elgoibarri buruzko informazio mordoa batu du eta informazio horri forma ematea asko kosta zaiola aitortu du. "Berez iazko urte amaierarako bukatu behar nuen liburua, baina ezinezkoa egin zitzaidan. Abendurako informazio bilketa amaituta neukan, baina gero dena idatzi eta errepasatu egin behar da. Uste baino lan handiagoa izan da, eta tartean gainera, emazteari ebakuntza larria egin behar izan zioten eta ezin izan nion nahi beste denbora eskaini liburuari. Kirol modalitatearen arabera sailkatzen hasi nintzen lehenengo informazioa, baina ez zen modurik onena. Azkenean denboraldika egituratu dut liburua. Futbol denboraldia irailean hasten da eta ekainean bukatu. Denboraldi bakoitzaren barruan jokatutako partida guztien emaitzak eta kronikak bildu ditut. Horrez gain, denboraldian zehar C.D. Elgoibarrek parte hartzen zuen beste kirol espezialitateen berri ere eman dut. Ehun urte, ehun denboraldi, eta kapitulu bakoitzak hamar bat orrialde izango ditu. Mila orrialdetik gora eta 800 bat ilustrazio izango ditu liburuak, eta hori informazio pila bat kanpoan utzi dudala", azaldu du.
- Irakurri hemen Koldo Lizarraldek BARRENi eskaini dion elkarrizketa osorik -PDF-
∞ Lotura duten albisteak:
- Gipuzkoako Futbol Federazioa sortu zuten lau taldeak omendu dituzte, tartean C.D. Elgoibar (2018-04-26)
- C.D. Elgoibarren mendeurrenaren harira sortutako martxa joko dute nagusien danborradan (2017-06-07)
- C.D. Elgoibarrek Udalaren errekonozimendua jaso du (2017-05-20)
- Futbol partidak kalean, omenaldia eta berbena, C.D. Elgoibarren mendeurrenaren harira (2017-05-19)
- Futbolean eta atletismoan nabarmendu diren C.D. Elgoibarreko kideak omendu dituzte (2017-05-06)
- C.D. Elgoibarren ehun urteko historia, argazkitan izoztua (2017-05-04)
- Eibar taldeak C.D. Elgoibar omendu du, 100. urteurrenaren harira (2017-05-02)
- Lehen Mailan jokatu duten futbolariak omenduko ditu C.D. Elgoibarrek maiatzaren 6an (2017-04-12)
-
C.D. Elgoibarren mendeurreneko ospakizunak bertan behea gelditu dira (2017-02-27)
- C.D. Elgoibarren mendeurrena abian da (2017-01-10)
- C.D. Elgoibarren mendeurrena zigiluetan ere bai (2017-01-23)
- Estreinatu dute C.D. Elgoibarren Mendeurreneko Martxa (2017-02-13)
- C.D. Elgoibarren mendeurreneko ospakizunak bertan behea gelditu dira (2017-02-27)