Joan den zapatuan jokatu zituzten Euskal Herriko Pala Txapelketa Irekia txapelketako lau kategoriatako finalak, Madalensoro pilotalekuan. Bigarren Mailako finalean lehiatu ziren Kepa Arrizabalaga eta Gorka Lizarralde elgoibartarrak. Ia bi orduko partida lehiatua jokatu ostean, Lagunak Pilota Eskolako pilotariek 25-19 irabazi zieten Andueza eta Rodriguez urretxuarrei. Bikote elgoibartarrari ez zitzaion zaleen babesik falta izan harmailetan, Elgoibartik joandako 25 bat lagunen animoak izan baitzituzten alde.
Inoiz baino parte hartzaile gehiago izan ditu aurten Giriziaren pilota sailak antolatzen duen txapelketak. Gizonen mailan 76 bikote aritu dira lehian, asteburuz asteburu, otsailaren 3an hasi zen lehiaketan.
Kepa Arrizabalagarentzat denboraldi honetan jantzi duen bigarren txapela da Oiartzungoa. Aurrez, martxoan, Udaberri Saria irabazi zuen gomazko paleta modalitatean, Xabi Garalde berritxuarrarekin batera. Elgoibarren Kalegoen plazako frontoian jokatzen diren pala txapelketak ere sarritan irabazi ditu Arrizabalagak.
Informazio osoagoa: oarsoaldea.hitza.eus
∞ Lotura duten albisteak:
- Elgoibarko palistak Herriartekotik kanpo, tantoen aldeagatik (2018-05-21)
- Kepa Arrizabalagak irabazi du Udaberri Saria Xabi Garalderekin bikotea osatuz (2018-03-21)
- Beñat Arrizabalaga eta Ander Conde Gipuzkoako txapeldun gomazko paleta txapelketan (2017-12-04)
- Hirugarren txapela Irusta eta Arrizabalagarentzat bikote mistoen pala txapelketan (2017-10-28)