Mutrikuko Danok Bat taldea ordezkatu dute Arrizabalagak eta Garaldek Udaberri Sariko Lehen Mailan. Lehen fasean finalerdietarako sailkatu eta Real Sociedad taldeko Antxordoki eta Telletxea kanporatu ostean (25-22), joan den barixakuan jokatu zuten finala Mutrikuko Miruaitz frontoian.
Arrizabalagak eta Garaldek Zarautzko pilota taldeko Aizpuru eta Daguerre izan zituzten aurkari, eta 25-17 irabazi zuten finala (txapelketako emaitzak). Esperientzia handiagoko bikoteen aurka jokatu duten arren, txapelketa "oso ona" osatu dute elgoibartarrak eta berritxuarrak, eta pastelari ginda jarri zioten finala irabazita.