Aurtengo berrikuntzen artean autobus zerbitzua nabarmendu behar da. Zapatuan Aiastiara igotzeko doako autobusa jarri zuten jai batzordekoek, 19:00etatik goizaldeko 5:00ak arte, eta lagun askok erabili zutela azaldu dute, gazteek bereziki. Aurtengo sanmigeletan festa eta lehia uztartu dituzte ohi bezala, eta ez dira falta izan ohiko bolo eta artzain txakur txapelketak eta ezta idi demak ere.
• Jose Antonio Arrillagari omenaldia
Zapatuan jokatu zuten bolo Txapelketan Pedro Gomez eibartarra izan zen irabazlea. Domeka goizean jokatu zuten San Migelgo XIV. Artzain Txakur Txapelketan, berriz, Matxinbentako artzai Pello Segurola eta 'Jai' txakurra izan ziren onenak. Inaxio Etxeberria azpeitiarra eta 'Mis' txakurra sailkatu ziren bigarren eta Juanjo Garate bizkaitarra eta 'Tina' txakurrak lortu zuten hirugarren postua. Txapelketaren amaieran Jose Antonio Arrillaga auzoko artzaia omendu zuten antolatzaileek, Artxate elkartekoek. Arrillaga elkarteko sortzaileetako bat izan zen eta presidentea ere bai hainbat urtean. Horrez gain, makina bat bider izana da Euskal Herriko txapeldun.
Domeka arratsaldean idi-demak jokatu zituzten Aiastiako probalekuan, eta Errezilgo Belamendiren idi pareak egin zuen markarik onena: 55 plaza. Orioko Oliden sailkatu zen bigarren postuan eta Eibarko Mendigoitxi hirugarrengoan. Hona jaien errepasoa, jai batzordekoek pasatako irudietan:
Hona lehietako emaitzak:
Bolo Txapelketa
- Pedro Gomez
- Imanol Osoro
- Javier Osoro
- Sergio Rodriguez
- Oier Azurmendi
- *Auzoko lehena: Amaia Loiola
San Migelgo XIV. Artzain Txakur Txapelket
- Pello Segurola eta 'Jai'
- Inaxio Etxeberria eta 'Mis'
- Juanjo Garate eta 'Tina'
- Asier Dakosta eta 'Zeru'
- Manuel Gorriti eta 'Indo'
- Aitor Urien eta 'Nay'
Idi-demak
- Belamendi (Errezil) 55 plaza
- Oliden (Orio) 54 plaza eta 2,86 metro
- Mendigoitxi (Eibar) 47 plaza
∞Lotura duten albisteak: