Eguerdi partetik aurrera lanak izan dira herriko hainbat gunetan zeuden era askotariko 120 postuetara hurbiltzeko ere. Arrakastak horixe dauka, ordea, jende-ilarak nonhahi: postuak ikusteko, talo bat jateko, jaiotza mekanikoa ikusteko... .Kalean egoteko eguraldi erosoa egin du: Oskarbi eta 15 bat gradutako tenperatura egin baitu. Aita Agirre inguruan egon diren animaliek ere piztu dute jendearen ikusmina, "exotikoak" baitziren asko, bufaloak edo alpakak, adibidez.
Elgoibarren 1782. urtean egiten hasi ziren hileko azken zapatuko ferian du jatorria Gabon Zahar Feriak, eta ohiturak bizirik jaraitzen du ia bi mende eta erdi geroago. Hainbat sari ere banatzen dituzte ferian eta aurtengoan Eneko Goibururen gazta, Goreko baserriko barazkiak eta Iparragirreko frutak saritu dituzte.
- ARGAZKI-BILDUMA: 2023ko Gabon Zahar Feria Eguna, irudietan
∞Lotura duten albisteak:
- Eneko Goibururen gazta, Goreko baserriko barazkiak eta Iparragirreko frutak saritu dituzte Gabon Zahar Ferian (2023-12-30)