Guztira 3.221.594,29 euroko inbertsioa egin du Udalak, BEZ kanpo. Igerileku berriak, 25m. luze eta 16.50m. zabal eta 8 kale izango ditu. Batez beste, 1,6 metro eta 1,8 metroko altuera hartuko du urak, eta edukiera 720 metro kubikokoa izango da.
Igerilekuaz gain, egungo aldagelak berritu eta beste bi aldagela, aldagela egokituak, komunak eta botikina ere egin dituzte.
Barne instalazioekin batera, ingurua ere berrantolatu dute, igerilekuaren zabalpen berriaren teilatuan aparkaleku berri bat eginez: 42 plaza izango ditu, horietako bi ezgaitasuna duten pertsonentzako. Lehen solariuma egon zen lekuan eguzki plakak jartzen ere ari dira.
Ane Beitia alkateak esan du “anbizio handiko” proiektua izan dela hau: “herriko kirol eskaintza hobetzeko igerileku berria eraiki dugu, egungo eskarira eta irisgarritasun, kirol, genero eta abarretako esparruetan dauden arauetara egokitutakoa, Elgoibarrek eta elgoibartarrek kalitatezko azpiegiturak izan ditzaten eta herritar orok kirola egiteko aukera bermatua izan dezan”. Elgoibarren 18 kirol elkarte daude, eta 300 ikasle baino gehiago dituzte inskribatuta. Udal instalazioek 3.500 pertsona abonatu baino gehiago dituzte eta urteko 100.000 erabilpen baino gehiago.
Udal agintariek eta arkitektoak obrak nola doazen erakusteko bisita gidatua egin diete gaur kazetariei. Hona, irudietan:
∞Lotura duten albisteak:
- Olaizagako igerilekua handitzeko proiektuak hainbat hutsune dituela ondorioztatu du Elkartu Federazioak (2020-03-04)
- Kiroldegiko igerilekua handitzeko lanak geldituta daude, proiektuan aldaketa bat izan dela-eta (2020-01-29)
- Igerileku berrian irisgarritasuna bermatzeko arrapala jartzea aztertzeko eskatu du EH Bilduk (2020-01-24)
- Asteon hasiko dituzte Olaizaga kiroldegiko igerilekua handitzeko lanak (2019-11-12)
- Aldundiak 463.000 euro jarriko ditu Olaizaga kiroldegiko igerilekua handitzeko proiektuan (2019-01-31)
- Aita Agirre birgaitzeko proiektua egin zuen arkitektuak egingo du Olaizagako igerilekuak handitzekoa ere (2018-06-12)
- Olaizagako igerilekuak handitzeko proiektuaren erredakzioaren lizitaziorako deialdia zabaldu du Udalak (2018-03-09)
- Aldundiak 510.000 euro jarriko ditu Aita Agirre Kulturgunea birgaitzeko egitasmorako (2017-09-1