Hain zuzen ere, dorre eoliko bat irudikatu zuten, Kalegoen plazatik Kalebarren plazara bitartean. 300 bat lagun bildu ziren guztira, eta aterki beltzekin osatu zuten dorre eolikoa. Ekimeneko irudiekin bideoa osatu dute. "Elgoibartar ugarik parte hartu zuten ekimen honen bidez Karakaten jarri nahi dituzten aerosorgailuek izango luketen tamaina irudikatu genuen, bai eta eragingo luketen txikizioa salatu ere", adierazi dute antolatzaileek. Parte hartu zuten lagunei zein irudiak hartzeko etxeko ateak ireki zizkieten herritarrei eskerrak eman dizkiete, eta baita bideoa sortu duen Iñigo Astigarragari ere, "irudiak grabatzen eta bideoa editatzen sekulako lana egin baitu".
Hona bideoa: