Mendarorako sarrera-irteera guztiak itxita daude, azken orduetako euriteen ondorioz, eta hainbat bizilagun inkomunikatuta daude. Une honetan ezin da errepidez Mendaroko ospitalera iritsi. Hitzordua izan arren, Mendaroko ospitalera ez joateko eskatu dute agintariek. Ospitalera sartzeko errepidea itxita egon den arren, zentroak normaltasunez funtzionatzen jarraitu ahal izan du, suhiltzaileen zerbitzuak beste sarbide batzuk ireki dituelako. “Goizean, suhiltzaileek beste bide bat ireki dute, urgentziazko pazienteak ospitalera iristea ahalbidetuz. Adibidez, lur orotako ibilgailuan eraman dituzte dialisi-tratamendua behar zuten pertsonak ospitale horretara bertara”, zehaztu du Eider Mendoza foru bozeramaileak.
Goizaldera izan dela okerrena esan du Iñaki Arregi Mendaroko alkateak. "Garagartza auzoa, betiko moduan, da kaltetuena, eta hor daude mendaroarrak etxean sartuta, ezin irtenda".
Altzola parean ere gainezka egin du Deba ibaiak, eta N634 errepidea itxi dute pare horretan, Mendarorako noranzkoan. Altzolako kaleak eta parkeak hartu ditu urak eta zenbait etxebizitzetako ezkaratzera ere sartu da ura.
AP-8 autobidean Elgoibar eta Eibar parean luiziak izan dira Irungo noranzkoan, eta bypass bat zabaldu dute. Era berean, auto ilara luzeak daude Azkaratetik Elgoibarrera jaisteko.
Altzolako estazioan maila gorria gainditu zuen ur emariak, eguen gauean, 10:00ak inguruan, eta maila gorria nabarmen gaindituta jarraitzen du. Estazio horretan azken 24 orduetan pilatutako prezipitazioa 64,4 litro metro karratuko izan da
Bideoa:
∞ Lotura duten albisteak:
- Deba ibaiaren emaria maila laranjara ailegatu da Altzolako estazioan (2021-12-09)
- Deba ibaiak gainezka egin du zenbait puntutan Maltzaga eta Mendaro artean (2021-11-29)
- Bere bidetik irten da ura goizaldean Mendaron (2019-12-13)
- Ura irten da bere bidetik Mendaron, Abarketeroneko parean (2018-04-11)
- Klapetak jarriko ditu Mendaroko Udalak Garagartzan, auzoa berriz urak hartu ez dezan (2017-07-06)
- Deba ibaia maila laranjara ailegatu da Altzolako estazioan (2017-01-16)
- Deba ibaia gainezka dator eta maila gorria gainditu du Elgoibarren eta Mendaron (2016-02-27)
- Maila gorria gainditu du Deba ibaiak Elgoibarren eta Mendaron (2015-01-30)
- Udalak 262.000 euroko kalteak zenbatu ditu azken euriteen ondoren (2011-11-23)
- 1983ko eta 1988ko ufaletan baino euri gehiago egin du asteburuan Elgoibarren (2011-11-10)
- Asteburuko euriteak 212 litro ur eta kalte ugari laga ditu Elgoibarren eta Mendaron (2011-11-07)