Debabarrenean 21 positibo atzeman dituzte azken hiru egunetan (29 atzeman zituzten aurreko asteburuan), horietatik bost Elgoibarren eta beste bat Mendaron. Une honetan 363,95ko intzidentzia du Elgoibarrek (485,27koa zuen barikuan) eta 283,69koa Mendarok, biak daude Gipuzkoako (174,06) batez bestekoaren gainetik. Gaur gaurkoz, 5.000 biztanletik gorako herri bakarra dago Gipuzkoan 400etik gorako intzidentzia-tasarekin: Aretxabaleta (409,60).
Hona Debabarrenako datuak, herriz herri (irailaren 10etik 12ra)
- Elgoibar +5 (1 4 0) 363,95ko intzidentzia-tasa
- Mendaro +1 (0 1 0) 283,69
- Mutriku +3 (0 3 0) 282,27
- Ermua +3 (2 1 0) 218,49
- Eibar +7 (3 4 0) 196,55
- Mallabia +1 (0 0 1) 168,07
- Deba +0 (0 0 0) 128,37
- Soraluze +1 (0 1 0) 75,49
- GIPUZKOA +180 (77 63 40) 174,06
• Positibotasuna behera Hego Euskal Herrian
Domekan 158 kasu positibo atzeman zituzten Hego Euskal Herrian –240 izan ziren aurreko igandean, irailaren 5ean–; hain justu, 61 Bizkaian, 40 Gipuzkoan, 39 Nafarroan, hamazazpi Araban eta bat lau lurralde horietatik kanpo bizi diren pertsonen artean. Proba egindakoen %3,2k eman zuten positibo atzo Araban, Bizkaian eta Gipuzkoan, eta beraz, positibotasun tasak nabarmen egin du behera: %5,1ekoa izan zen osteguneko probetan. Abuztu amaieratik hona ia 170 puntu egin ditu behera intzidentziak. Nafarroan, baina, igo egin da positibotasun tasa: %3,7koa izan zen ostegunean, eta %5ekoa atzo.
Oinarrizko birsorkuntza datuari lotuta, asteburuan gora egin du: 0,81ekoa da orain. Halere, datuaren arabera, pandemia ez da hedatzen ari –ez delako 1,00 baino zenbateko handiagoa–.
Atzoko datuen arabera, Osakidetzaren ardurapeko erietxeetan, COVID-19ak jotako 170 lagun daude ospitaleratuta; 57 dira ZIUn daudenak. Ostiralean 29 ospitaleratze berri izan ziren Osakidetzan, hemeretzi larunbatean eta 26 atzo. Nafarroan, berriz, lau lagun ospitaleratu dituzte, eta gaur-gaurkoz 65 dira erietxean dauden gaixoak; ZIUn larri dauden herritarrak, berriz, hogei dira. Araban, Bizkaian eta Gipuzkoan intzidentzia tasak beste zortzi puntu egin du behera, eta 172,34an kokatu da.
∞Lotura duten albisteak:
- Asteon 16 positibo atzeman dituzte Elgoibarren, eta 400eko langatik gora jarraitzen du intzidentzia-tasak (2021-09-10)
- 11 positibo atzeman zituzten Atzo Elgoibarren, eta 500eko langa gainditu du intzidentzia-tasak (2021-09-09)
- Eremu gorrian dauden Gipuzkoako hiru herrietako bat da Elgoibar (2021-09-06)
- 18 kasu positibo zenbatu dituzte asteon Elgoibarren (2021-09-03)
- Abuztuan 84 kasu positibo atzeman zituzten Elgoibarren eta 11 kasu Mendaron (2021-09-01)
- 26 kasu positibo baieztatu dituzte asteon Elgoibarren; lau Mendaron (2021-07-30)
- Hamar positibo berri Elgoibarren eta 900eko langa gainditu du intzidentzia-tasak (2021-07-29)
- Hamabi positibo atzeman zituzten atzo Elgoibarren, eta bat Mendaron (2021-07-28)
- Kasu positibo bana atzeman dituzte Elgoibarren eta Mendaron (2021-07-27)
- Elgoibarren 24 kasu positibo baieztatu dituzte asteburuan, eta bost kasu Mendaron (2021-07-26)
- Hogei kasu positibo baieztatu zituzten atzo Elgoibarren eta lau Mendaron (2021-07-23)
- Hamar koronabirus kasu zenbatu zituzten atzo Elgoibarren (2021-07-22)