Egoera hobea dute Mendaron. Abuztu osoan, 11 kasu izan dituzte (25 zenbatu zituzten uztailean), eta gaur, 189,13ko intzidentzia-tasa zuten.
Cavid-19aren hedapena eteteko hartutako neurriak malgutu zituen astelehenean Eusko Jaurlaritzak eta gaurtik indarrean daude. Gotzone Sagardui Osasun sailburuak esan zuen joera aldaketa “argia” dela, baina hala ere, prebentzio neurriei eusteko eskatu zuen, datozen asteak bosgarren olatua menderatzeko aste erabakigarriak izango direla arrazoituta. Malgutzea edukiera kontutan etorri da batez ere. Orokorrean, lokal eta instalazio guztien edukiera handitu da, %60ra.
Dena den, badaude salbuespenak. Taberna eta jatetxeetan, esaterako, barruko edukiera %50ekoa da. Kultura eta kirol ekitaldietan, bestalde, gehienez 600 lagun elkartu ahal izango dira, ekintzak barruan diren kasuetan: Kanpoan baldin badira, gehienez 800 lagun hartu ahal izango dituzte. Hala ere, lokal handietan, 1.600 eta 5.000 pertsona artean sar daitezkeen lekuetan, 800 pertsonaraino sartzeko aukera eman dute, eta aire zabalean, 1.200 lagun. 5.000 lagun baino gehiago sar daitezkeen lekuetan, futbol-zelaietan esate baterako, gehienezko edukiera %30ekoa izango da.
• Ikasturte berria
Ikasturte berriaz ere jardun zen Osasun sailburua. Goiztiarrenak irailaren 8an itzuliko dira eskolara gurean, eta joan zen ikasturteko prebentzio neurri nagusiak bete beharko dituzte. Hau da, maskara jantzi beharko dute 6 urtez gorakoek, metro eta erdiko segurtasun tartea mantendu beharko dute elkarren artean ikasle eta gainerakoek... Hori bai, txertoaren pauta osoa hartuta duten ikasleek ez dute berrogeialdirik egin beharko, positibo baten kontaktu zuzena izanda ere. Era berean, barnetegiak antolatu ahal izango dira aurten eta eskolaz kanpoko jarduerari ere bide emango zaio, ahal den neurrian, eskolako “bizikidetza talde iraunkorrak” mantenduta.
∞Lotura duten albisteak:
- 26 kasu positibo baieztatu dituzte asteon Elgoibarren; lau Mendaron (2021-07-30)
- Hamar positibo berri Elgoibarren eta 900eko langa gainditu du intzidentzia-tasak (2021-07-29)
- Hamabi positibo atzeman zituzten atzo Elgoibarren, eta bat Mendaron (2021-07-28)
- Kasu positibo bana atzeman dituzte Elgoibarren eta Mendaron (2021-07-27)
- Elgoibarren 24 kasu positibo baieztatu dituzte asteburuan, eta bost kasu Mendaron (2021-07-26)
- Hogei kasu positibo baieztatu zituzten atzo Elgoibarren eta lau Mendaron (2021-07-23)
- Hamar koronabirus kasu zenbatu zituzten atzo Elgoibarren (2021-07-22)