Eibarren, Mutrikun, Deban eta Elgoibarren atzeman dituzte kasu positibo gehien, asteburuan eginiko antigeno eta PCR probetan. Intzidentzia tasek ere gora egin dute eta eskualdeko hiru herri daude orain eremu gorrian: Mutriku, Eibar eta Deba. Elgoibarko intzidentzia-tasa laranjan sartzeaz gainera, gorrira ere hurbildu da. Barikuan 294,63an zegoen Elgoibarko intzidentzia, eta 329,29koa da gaur.
Gipuzkoan gero eta herri gehiago daude eremu gorrian. Lurraldeko 26 herri handik -5.000 biztanletik gorakoak- gainditzen dute 400eko langa, barikuan baino lau herri gehiagok, alegia. Asteburu honetan aurrekoan baino 391 kasu positibo gehiago atzeman dituzte lurraldean, eta 644,31ra igo da Gipuzkoako intzidentzia-tasa.
Hona Debabarrenako asteburuko datuak, herriz herri (uztailaren 16tik 18ra)
- Mutriku +20 (6 barikuan; 11 zapatuan; 3 domekan) 1411,37ko intzidentzia-tasa
- Mallabia +2 (1 0 1) 588,24
- Soraluze +4 (0 2 2) 578,76
- Deba +16 (8 7 1) 421,79
- Eibar +44 (17 9 18) 433,14
- Elgoibar +10 (5 3 2) 329,29
- Ermua +9 (1 5 3) 187,28
- Mendaro +0 (0 0 0) 94,56
- GIPUZKOA +1.199 (459 342 398) 644,31
• Okupazioa gora ospitaleetan
Datuek okerrera egiten jarraitzen dute Hego Euskal Herrian. Uztaila hasi zenean, duela hiru aste, egunean 500 kasu baino gutxiago zenbatzen zituzten Osakidetzak eta Osasunbideak. Kopuru hori hirukoiztu egin da orain. Atzo, uztailak 18, 1.409 positibo zenbatu zituzten. Araba, Bizkai eta Gipuzkoan 1.010 kasu baieztatu zituzten 7.927 PCR eta antigeno test egin ondoren. Hori horrela, hiru lurralde horietako positibotasun tasa %12,7an kokatu zen atzo. Lurraldeka, 479 lagunek eman zuten positibo Bizkaian, 398k Gipuzkoan, eta 112k Araban. Hala eta guztiz ere hiru lurralde horietatik kanpoko 21 pertsonak ere positibo eman zuten testetan. Nafarroan, bestalde, 399 positibo zenbatu zituzten atzo. Guztira, 2.452 proba egin zituzten han, eta beraz, positibotasun tasa %16,3koa izan zen atzo.
Pandemiak ez dio hedatzeari laga, oinarrizko birsorkuntza datuak (R0) 1,30koa baita oraindik, indize honek azken orduetan pixka bat behera egin duen arren.
Okupazioak gora egin du ospitaleetan. Azken orduetan 36 lagun ingresatu dituzte Osakidetzaren menpeko erietxeetan, eta guztira, 206 dira ospitaleratuta daudenak –aurreko astean baino 124 gehiago–. ainketa berezia behar dutenak edo ZIUn daudenak, berriz, 42 dira egun.
∞Lotura duten albisteak:
- Sei kasu positibo atzeman zituzten atzo Elgoibaren, eta 300eko langatik gertu da intzidentzia-tasa (2021-07-16)
- Azken orduetan lau positibo baieztatu dituzte Elgoibarren eta 36 Debabarrenean (2021-07-15)
- Beste sei kasu positibo baieztatu dituzte Elgoibarren (2021-07-14)
- Elgoibarren bost positibo atzeman ditu Osasun Sailak azken orduetan, eta 190,64era igo da intzidentzia-tasa (2021-07-13)
- Bi positibo baieztatu dira asteburuan Elgoibarren eta beste bat Mendaron (2021-07-12)
- Beste bi positibo atzeman dituzte Elgoibarren (2021-07-08)
- Hiru positibo atzeman dituzte azken orduetan Elgoibarren eta beste bat Mendaron (2021-07-07)
- Sei positibo berri izan dira asteburuan Elgoibarren (2021-07-05)
- Eremu berdetik horira igaro da Elgoibar, asteon lau positibo atzeman ostean (2021-07-02)
- Asteburuan hiru positibo atzeman dituzte Elgoibarren eta kasu bat Mendaron (2021-06-28)