Intzidentzia tasa 155,98tik 294,63ra igo da astebetean Elgoibarren. Joan den barikuan, uztailaren 9an, 155,98koa zen Elgoibarko tasa; azkeneko datuekin, 294,63koa da gaur-gaurkoz. Hortaz, 138,65 puntu egin du gora astebetean eta eremu laranjan sartzetik gertu dago. Aldiz, Mendaron joan den uztailaren 6an atzeman zuten azken kasu positiboa, duela sei egun.
Joan den astetik hona nabarmen egin dute gora kutsatzeek Gipuzkoan eta gero eta herri gehiago daude eremu gorrian. Lurraldeko 22 herri handik -5.000 biztanletik gorakoak- gainditzen dute 400eko langa, aurreko egunean baino lau herri gehiagok, alegia.
Hona Debabarrenako datuak, herriz herri (uztailaren 12tik 15era)
- Soraluze +2 (0 1 0 1) 1409,16ko intzidentzia-tasa
- Mutriku +21 (0 3 10 8) 1035,00
- Mallabia +1 (0 0 1 0) 672,27
- Eibar +44 (3 11 17 13) 298,46
- Elgoibar +21 (5 6 4 6) 294,63
- Deba +5 (0 1 2 2) 183,39
- Ermua +10 (1 2 2 5) 137,34
- Mendaro +0 (0 0 0 0) 94,56
- GIPUZKOA +1633 (251 398 502 482) 553,26
•Gora egin du ospitaleetako presioak
Pandemiaren bilakaera neurtzeko adierazle guztiek okerrera egin dute azken orduetan. Atzo, uztailak 15, 15.872 PCR eta antigeno test egin zituzten Hego Euskal Herriko lau lurraldeetan. Eta horietatik 1.967 izan ziren positibo eman zutenak. Ia bederatzi hilabete egin behar dira atzera, 2020ko urriaren 31ra, datu txarrago bat aurkitzeko —2.082 kasu atzeman zituzten—. Pandemia osoan egun horretan bakarrik gainditu zen gaurko positibo kopurua. Lurraldeka, Bizkaian atzeman dira positibo gehienak: 672. Nafarroan ere 622 zenbatu dituzte, Gipuzkoan 482 baieztatu dira, Araban 163 eta 28 izan dira bestelako erkidegoetan erroldatutakoen artean hauteman direnak. Positibotasun tasa ere igo egin da, %11,3 da Araba, Bizkai eta Gipuzkoan; Nafarroan, berriz, %15,6.
Ospitaleetako presioak okerrera egin du. Ospitaleratu kopurua %63 handitu da Hegoaldean astebetean. ZIUetan 31 lagun daude (+ 3); eta 65 urtetik gorakoen arteko intzidentzia tasak ere gora egin du: 73,83koa (+13,96) da. Oinarrizko birsorkuntza tasa edo R0 indizeak gora egiten jarraitzen du, 1,41ekoa da.
∞Lotura duten albisteak:
- Azken orduetan lau positibo baieztatu dituzte Elgoibarren eta 36 Debabarrenean (2021-07-15)
- Beste sei kasu positibo baieztatu dituzte Elgoibarren (2021-07-14)
- Elgoibarren bost positibo atzeman ditu Osasun Sailak azken orduetan, eta 190,64era igo da intzidentzia-tasa (2021-07-13)
- Bi positibo baieztatu dira asteburuan Elgoibarren eta beste bat Mendaron (2021-07-12)
- Beste bi positibo atzeman dituzte Elgoibarren (2021-07-08)
- Hiru positibo atzeman dituzte azken orduetan Elgoibarren eta beste bat Mendaron (2021-07-07)
- Sei positibo berri izan dira asteburuan Elgoibarren (2021-07-05)
- Eremu berdetik horira igaro da Elgoibar, asteon lau positibo atzeman ostean (2021-07-02)
- Asteburuan hiru positibo atzeman dituzte Elgoibarren eta kasu bat Mendaron (2021-06-28)