Debabarrenako herrietan atzo eginiko PCR eta antigeno probetan —ez dute zehazten herri bakoitzean zenbat egiten dituzten— 22 positibo berri atzeman zituzten atzo, apirilak 28, martitzenean atzemandako 13 positiboak baino bederatzi kasu gehiago. Elgoibarren, Mendaron eta Soraluzen ez dute positibo berririk atzeman.
Hona eskualdeko atzoko (apirilak 28) datuak, herriz herri:
- Deba +4 positibo (1723,82ko intzidentzia tasa)
- Mallabia +1 (672,27)
- Soraluze +0 (578,76)
- Eibar +9 (553,25)
- Mutriku +1 (451,64)
- Ermua +7 (449,47)
- Mendaro 0 (425,53)
- Elgoibar 0 (355,29)
- GIPUZKOA +386 (714,68)
Eusko Jaurlaritzak kaleratu du koronabirusaren bilakaerari buruzko eguerdiroko txostena, eta gaurkoak ere datu kezkagarriak laga ditu. Jaurlaritzako Osasun Sailak jakitera eman duenez, atzo egindako PCR eta antigeno proben %7,3k eman zuen emaitza positiboa, eta hala, 876 kasu baieztatu zituzten: 412 Bizkaian, 386 Gipuzkoan, 70 Araban eta zortzi bestelako lurraldeetan erroldatutakoen artean. Osasunbideak jakinarazi du 188 positibo atzeman zituztela atzo Nafarroan.
Ospitaleetan, berriz, 83 lagun ingresatu zituzten atzo, eta guztira 719 daude Osakidetzako erietxeetan ospitaleratuta (herenegun baino zazpi gutxiago); horietatik, baina, 192 daude ZIUn (aurreko egunean baino zortzi gehiago).
• Birsorkuntza datua, ona
Martxoaren 14tik atzora arte, oinarrizko birsorkuntza datua ez da 1etik behera egon Araban, Bizkaian eta Gipuzkoan; atzo, baina, 0,97koa erregistratu zen. Horrek esan nahi du kutsatutako pertsona batek ez duela batez beste pertsona bat baino gehiago kutsatu, eta hortaz, pandemia ez dela hedatu.
∞Lotura duten albisteak:
- Positibo bakarra atzeman zuten atzo Elgoibarren (2021-04-28)
- Eremu gorrira gerturatzen ari da Elgoibar, atzo zortzi positibo atzeman eta gero (2021-04-27)
- Elgoibarrek zein Mendarok itxiera perimetralik gabe jarraituko dute (2021-04-26)
- Beste bost positibo eta intzidentzia-tasa gora Elgoibarren ere (2021-04-22)
- Gipuzkoako 5.000 biztanletik gorako herri bakarra dago eremu gorritik kanpo: Elgoibar (2021-04-21)
- Eskualdeko intzidentzia-tasa baxuena du Elgoibarrek, 268,63koa (2021-04-20)
- Itxiera perimetrala ezarri dute Gipuzkoa, Araba eta Bizkaian eta gora egiten jarraitzen du ospitaleratutakoen kopuruak (2021-04-19)