Duela bi urte baino gehiago hasitako grebari berriro ekitea erabaki dute ELA eta LAB sindikatuek, langileen baldintzak eta erabiltzaileei eskaintzen zaien zerbitzua hobetuko dituen hitzarmen kolektibo baten alde, eta momentuz egun baterako greba deialdia egin dute bi sindikatuok, nork bere aldetik. Gaur egin dute greba hori, baina beharginek ez dute lanuzterik egin, Jaurlaritzak ezarritako zerbitzu-minimoak tarteko. Jaurlaritzak greba eskubidea "urratu" duela salatu dute sindikatuek, "%100eko gutxieneko zerbitzuak jarri dituelako".
Gaurko greba egunaren harira, ELAk salatu du Gipuzkoako zahar etxeetako langileak "pandemiaren aurretik baino baldintza okerragoetan" ari direla orain lanean eta ohartarazi dute pandemiaren lehen olatua jasan eta gero, langileak "fisikoki, psikologikoki eta emozionalki lehertuta" daudela. Horrez gain, ELAk salatu du "enpresen eta foru aldundiaren mespretxua eta kudeaketa negargarria pairatzen" ari direla.
Gaurko greba deitu duen beste sindikatuak, LABek, nabarmendu du adinekoentzako "arreta eredu berri bat sortzeko beharra" dagoela, "ereduaren erdigunean adinekoak jar daitezen, eta ez enpresa kudeatzaileen negozioa.
Sektoreko langile askok manifestazioa egin dute goizean Donostian eta Elgoibarren elkarretaratzea egin dute San Lazaro egoitza kanpoan 19:00etan.
∞Lotura duten albisteak:
- San Lazaro egoitzako langileei eskerrak emateko batu dira hainbat herritar egoitza aurrean (2020-06-15)
- Monika Masa: “Pozik gaude San Lazaron bisitak berreskuratzeko, baina tentuz jokatu behar dugu” (2020-06-05)
- BIDEOA: San Lazaro egoitzako egoiliarrek itxaropen mezua zabaldu dute (2020-04-14)
- Zahar-etxeetako langileen martxa Elgoibartik pasa da (2019-10-16)
-
San Lazaro egoitzakoen protesta agintarien aurrean (2019-10-04)
-
San Lazaro egoitzakoek hilabeteko beste greba bat hasiko dute irailaren 19an (2019-09-05)
- Zahar etxeetako grebalarien eskualdeko martxa egin dute Eibartik Elgoibarrera (2019-06-27)
- San Lazaro egoitzako langileek egun osoko kanpaldia egingo dute Maalan (2019-06-19)
- Informazio osoagoa BARREN aldizkariko 1116. zenbakian, San Lazaroko hiru langileri eginiko elkarrizketan