San Bartolome parrokiaren erreplika sartu dute eskalara egina, eta detaile guztiak kontuan hartuta. Gauez erlojua eta kupula argiztatuta egongo dira, eta egunez kanpaiek joko dute. Horrez gain, erlojuak ordua ematen du. Elizapean arrantzaleen auzoa ere sortu dute, eta lehendik zeuden mugimendudun irudiez gainera berriak ere jarri dituzte.
• Pedro Albizuriri eta Benantzio Otaegiri omenaldia
Benantzio Otaegi parrokoak jaiotza bedeinkatu eta martxan jarri zuen. Era berean, aurtengo inaugurazio ekitaldian Pedro Albizurik ere hartu zuen parte, hainbat urtean Elgoibarko parroko izandakoak. Biek oroigarri bana jaso zuten Elgojaiotzaren eskutik. Iosu Arraiz alkateordeak, bestalde, eskerrak eman zizkien Elgojaiotzako kideei urtero egiten duten lanagatik.
- Bisita ordutegia: Astelehenetik barixakura, 17:30etik 20:30era, eta zapatu eta jaiegunetan (10:30-13:30 / 17:30-20:30) bisitatu daiteke Parrokiako Jaiotza. San Anton egunera arte egongo da zabalik, urtarrilaren 17ra arte, alegia.
