Helduentzako ipuin kontalari saioa emango du Ines Bengoak liburutegian

Barren 2025eko azaroaren 22a

Indarkeria matxistaren kontrako nazioarteko eguna da azaroaren 25a, eta horren harira hainbat ekintza antolatu dituzte eragileek datozen egunetarako. Horietako bat da astelehenean (azaroak 24) Gotzon Garate Udal Liburutegian egingo duten ipuin kontaketa saioa.

 Ines Bengoak emango du saioa, Qué llevamos las mujeres en el bolso izenburupean, eta helduentzako emanaldia izango da (gaztelaniaz). Udal Liburutegiak eta Berdintasun Sailak antolatu dute ekitaldia, eta antolakuntza lanak errazteko, izena eman behar da aurrez: liburutegia@elgoibar.eus /
943 743 525 / 688 710 138.

Saioa 19:00etan hasiko da.