Gernikako Arbolaren kimua den haritzaren oinean lore sorta jarri dute, eta bertaratu diren lagunek minutu batzuetako isilunea egin dute gero.
Eusko Legebiltzarrak 2010etik gogorarazten du Memoriaren Eguna. Gaurko egunez ETAk ez zuelako inor hil aukeratu zuten azaroaren 10a. 2012tik estatuaren biktimak ere gogoratzen dituzte Eusko Jaurlaritzak eta Gogora institutuak sustatutako ekitaldian, eta, horregatik, PPk eta Voxek ez dute parte hartzen ekitaldiotan. EH Bilduk 2013an hartu zuen parte lehen aldiz.
