Nazioarteko puntako atletez gainera, euskal atleta onenak lehiatu ziren Donostiako krosean. Ekain Larrea, Martin Segurola, Urko Herran eta Joseba Diaz, batzuk aipatzearren, gizonezkoetan; eta, Miren Martin, Izaro Aranburu eta Ainhoa Sanz izan ziren emakumezkoen proba nagusian lehiatu ziren euskal fondista aipagarrienak.
Mintxeta taldeko hiru ordezkari lehiatu ziren senior gizonezkoen proban: Iñigo Lariz (23:17), Mikel Gurrutxaga (23:20) eta Mikel Aguirrebeña (23:26). Titus Kripotich kenyarrak irabazi zuen lasterketa, 19 minutu eta 23 segundoko denbora eginda 6,9 kilometroko ibilbidean. Emakumezkoetan ere kenyar bat gailendu zen, 21 urteko Celestine Jepkosgei. 23 minutu eta 8 segundoan osatu zuen ibilbidea. (Irabazleen ailegaerak eitb.eus-en)
Gazte mailetan ere lehiatu ziren Mintxetako antxitxikariak: Unax Santos (05:43) eta Inés Zabala de la Cruz (06:42) infantiletan; eta, Nahia Mazorriaga (05:09), Ikerne Martín (05:14) eta Nerea Castro (06:09) alebinetan.
