Gizonezkoen Alcorta Forging Group taldeak Euskal Kopako bi partida jokatu ditu orain arte, eta biak irabazi ditu. Estreinakoan 22-27 gailendu ziren Errenterian, Ereintza taldearen aurkako partidan. Bigarrengoan 30-29 irabazi zioten Txikipolit Zarautzi, zapatuan Olaizagan jokatutako neurketan.
Emakumezkoen Malape Taberna taldeak, berriz, balio handiko berdinketa (24-24) eskuratu zuen Zarautzen, Ameztoi Zarautz taldearen aurka. Kopako bigarren neurketa etxean jokatuko du Malapek, Kukullagaren aurka, zapatu honetan (19:00). Alcortak Urdanetaren aurka jokatuko du, etxetik kanpo, domeka eguerdian.
Senior gizonezkoen bigarren taldeak, Pizzeria Salentok, Zumaiako Pulporen aurka jokatuko du lagunarteko partida, barikuan (20:15), IMH kiroldegian.