Bi eguneko atsedenaldiaren ostean, umeen eta adinekoen egunarekin berreskuratu du jai giroa Elgoibarrek.
Dultzaineroen Dianarekin hasi da eguna eta Lopene ganadutegiko zezenekin sokamuturra egin dute gero. Ateri eutsi dio azken sektorera arte, Kalegoen plazara arte.
Sokamuturaren amaieran ohikoa da herriko elkarteek salda eta txozizoa banatzea, baina gaur umeak eta adinekoak aritu dira elkarlanean hamaiketakoa banatzen. Iaz egin zuten ekimen hau estreinakoz, Kalegoen plazan. Aurten kokagunez aldatu dute eta Lekueder parkean banatu dituzte salda eta txorizoak, sokamuturra amaitu bezain laster banaketari ekin ahal izateko.