Konpontzeko lanak aginduta dituztela jakinarazi dute Udal Kirol Patronatutik. Tenis pistan hesiturari eusten dioten zutoinak jarri behar dituzte lehenik, gero hesitura jarri ahal izateko, eta horretan dihardute.
Mintxetako futbol 7ko bi porteria, harmailetako teilatuko xafla zati bat eta spinning gelako aurrealdea ere kaltetu zituen haizeak, eta Mintxeta inguruan dauden hainbat zuhaitzetzek ere igarri zuten haizearen indarra. Futboleko ateak konpontzeko pieza berriak egin behar izan dituzte, eta horiek galvanizatu ostean, barikuan ipintzeko asmoa dute. Spinning gelako kalteak hurrengo asterako konponduta egotea aurreikusten dute. Harmailetan apurtutako teilatu zatia ere konpondu dute, behin-behinean.
