Promesa mailako pilotariak kantxaratu dira lehenik: June Urrutikoetxeak eta Amaia Zarrabeitiak osatutako bikoteak, Edurne Carretero eta Petra Rodriguez izan dituzte aurrez aurre. Gorriek erraz egin dute aurrera markagailuan eta 18-10 gailendu dira Zarrabeitia eta Urrutikoetxea.
Urrezko Ligaxkako norgehiagoka jokatuko dute ondoren Miriam Arraiza eta Enara Gamindek Aizane Ibarrolaren eta Uxue Osesen aurka. Norgehiagoka oso parekatua izan da, eta azkenean 22-20 irabazi dute gorriek. Partida polita izan da, eta ikusleek goi mailako pilotaz gozatzeko aukera izan dute.