Elgoibar LGTBIK+, Narrutsik, Elgoibarko Izarra eta Elgoibarko Udala dira antolatzaileak eta Arrakala! izena jarri diote Kattalin Minerren (Hernani, 1988) eta Aner Peritzen (Zarautz, 2002) arteko solasaldiari. Ez dute gauza gehiegirik aurreratu nahi izan, gonbidatu dituzten hizlarien prestigioa eta izena bere horretan nahikoa erakargarri direla uste baitute, eta honela egin dute berbaldia entzuteko gonbita: “Sumatu duzu? Sentitu duzu zerbait? Herriko kaleetan dardara, sototik datorren lurrikara, … Urratu da, zartatu da, hemen dator “ARRAKALA!”.
- Martxoaren 12an, eguaztena, izango da Arrakala! berbaldia, 18:00etan Elgoibarko Kultur Etxeko sotoan.
