17:00etan Gora Bihotzak ikuskizun musikalaz gozatzeko aukera izango da Maalan. Dantzatzea aldarrikatzen du Eidabe ekimen kulturalak ondutako Gora bihotzak! ikuskizunak. "Besarkatzea, musukatzea eta kantatzea, nahi dugunean nahi dugunarekin eta nahi dugun moduan", euren berbetan.
Orduerdi beranduago, 17:30ean mozorroen dantzaldia hasiko dute, jubilatuen biltokikoek euren egoitzan. 18:15etik aurrera, berriz, Biraka dantza taldekoek Birakauteriak ikuskizuna emango dute, Mauxitxa txarangakoek eta erraldoiek lagunduta. Maalatik irtengo dira eta aurreratu dute buruhandirik ez dela irtengo egun horretan kalejiran.
