Inazio Bereziartua musika eta dantza eskolako ikasleak eta iraasleak duela lau urte hasi ziren Inauterietako Eguen Zuri eguna girotzen eta aurtengorako ere prest daude. Eskolako txaranga kalejiran irtengo da eguenean (otsailak 27), 17:30ean Kalegoen plazatik, eta segidan, koro eta dantza ikasleen emanaldia izango da Maalako parkean. Amaieran, kalejiran joango dira denak musika eskolaraino.
Barikuan, Euskal Inauteria
Barikuan, berriz, Euskal Inauteria irudikatuko du Elgoibar Ikastolako komunitateak. Mailaka banatuta, euskal inauterietako ohiko pertsonaiak aterako dituzte kalera, eta herriko hainbat txokotan euskal kantuak dantzatuko dituzte. 15:00ak aldera irtengo dira ikastolatik, eta herriko kaleak kolorez jantziko dituzte. Kalegoen plazan elkartuko dira gero ikasle guztiak, eta han amaituko dute kalejira. Euria egingo balu, iaz moduan, Ikastolan bertan egingo lukete ospakizuna.
