Kadete mailako Gipuzkoako, Bizkaiko eta Arabako liga txapelketan lehen postuetan sailkatu diren taldeek eta Euskal Ligan azken postuetan daudenek jokatuko dituzte Euskal Ligara igotzeko kanporaketak. Lau taldeko bi multzo egin dituzte eta multzo horietako bateko taldeek Zumarragako Ispilla kiroldegian jokatuko dute igoera fasea.
Zumarragan lehiatuko den taldeetako bat izango da Sanloko Urkunde taldea, Gipuzkoako ligan hirugarren postuan sailkatu eta gero. Hiru talde izango ditu aurkari: Urola EK RSA (Gipuzkoako txapelduna), Muskiz Eskubaloia (Bizkaiko bigarren sailkatua) eta Mek Eibar Eskubaloia A (Euskal Ligako zazpigarren sailkatua).
Multzo bakoitzeko lehen hirurak Euskal Ligan arituko dira, denboraldia amaitu arte. Eta, Euskal Ligako onenek, berriz, Estatuko txapelketa jokatuko dute.
Horra hor Zumarragako igoera fasean jokatuko dituzten partidak:
- Barikuan 18:00etan: Urkunde Elgoibar Vs Muskiz Eskubaloia
- Barikuan 20:00etan: Urola EK RSA Vs Mek Eibar Eskubaloia A
- Zapatuan 10:00etan: Urkunde Elgoibar Vs Mek Eibar Eskubaloia A
- Zapatuan 12:00etan: Muskiz Eskubaloia Vs Urola EK RSA
- Domekan 09:30ean: Mek Eibar Eskubaloia A Vs Muskiz Eskubaloia
- Domekan 11:15ean: Urola EK RSA Vs Urkunde Elgoibar