Hitzaldia: 'Gu berria sortzen'

´Zergatik eta zertarako euskaldun?´ programaren aurtengo lehen ekimena izango da, eta Ekhine Eizagirre zarauztarrak Julen Aranguren donostiarra elkarrizketatuko du.

Elkarrizketarako gaia: jatorri ezberdinetatik etortzen ari dira eta etortzen jarraituko dute euskaraz ez dakiten herritarrak, guk geuk ekartzen ditugu, behar ditugulako. Eta orain zer? Testuinguru honetan nola jarraitu gure herria(k) euskalduntzen? Zer nolako harrera egingo diegu euskarara erakartzeko? Non kokatzen da euskara bizilagun berrien integrazio ibilbidean?

Ekhine Eizagirre Zubiaurre, Kazetaritzan lizentziatua eta Gizarte Antropologian graduatua. “Elgoibarko jatorri askotariko herritarren bizipen linguistikoak eta euskararekiko dituzten pertzepzioak” ikerlanaren egilea, Udalaren Gotzon Garate bekaren baitan.

Julen Aranguren Aizpurua, Soziologian lizentziatua eta Garapenerako Lankidetzan masterduna. Zarauzko Udaleko Immigrazio eta Kultura aniztasunerako teknikaria.