11:00etan zabalduko dute erakusketa San Anton Egunean, hilaren 17an, eta sari banaketa urtarrilaren 25ean egingo dute, 13:00etan, Kultur Etxeko Sotoan, erakusketariak eta Udal ordezkariak bertan direla. Aurten, Etxegina koruaren mendeurrenari eskaini diote erakusketa, eta gutxienez 75 erakusmahai izango direla aurreratu dute antolatzaileek.
Ordutegia ondorengoa izango da: astebarruan, 18:30etik 20:30era, eta jaiegunetan, 12:00etatik 14:00etara goizez, eta 18:30etik 20:30era, arratsaldez. Ohi legez, aurtengo omenduari eskainitako seilu pertsonalizatua ere sortuko dute. Postaren etxea edo bulegoa Kultur Etxean bertan zabalduko dute urtarrilaren 18an eta hiru orduz egongo da zabalik, 11:00etatik 14:00etara.
