Elgoibar Ikastolako lantaldeak prest dauka Kilometroetako materiala, eta gaur arratsaldean zabalduko dute denda. Errosario kaleko 25. zenbakian jarriko dute, Lizzie denda egon zen lokalean. Kamisetak, sudaderak, sokak, poltsak, botilak... Kilometroen logotipoduan hainbat produktu kaleratu dituzte. Momentuz, ostegun eta ostiraletan zabalduko dute 17:00etatik 20:00etara eta zapatu goizetan 10:00etatik 13:00etara. Eguberrietan egun gehiagotan zabalduko dutela jakinarazi dute, baina oraindik ez dituzten egunak zehaztu.
Joan zen astean aurkeztu zituzten Kilometroen leloa eta helburuak, eta herritarrei euskara salto egiteko gonbita egin zieten.
