Aurkeztu duten logotipo berriak Mintxetako zelaietako berdea, lokatzaren kolorea eta krosa jokatzen den pista ospetsuko tartana irudikatzen dituela azaldu dute, eta Elgoibarri erreferentzia egiten dion e izkia darama erdian.
Kide berriak sartu dira krosa antolatzeaz arduratzen den Mintxeta taldeko lantaldean, eta taldea gaztetuta krosa garai berrietara egokitzeko, "modernizatzeko", asmoa dutela aurreratu dute. Logotipoa berrritzearena izan da asmo horretan eman duten lehen pausoa.
2025eko urtarrilaren 5ean jokatuko da Mugertza krosaren 81. ekitaldia, eta Mintxeta Atletismo taldekoek hilabeteak daramatzate prestaketa lanetan murgilduta.